Monday, 3 July 2017

13'em Festîvala Jinan a Zîlanê

Em îsal jî, di 1'ê Tirmehê de, tev li Festîvala Zîlanê, an jî 13'em Festîvala Jinan a Zîlanê, bûn.
Her çend baran barî jî, dîsa pir kesan ber xwe dan û li festîvalê man. Em vê berxwedana wan slav dikin.
Jinên kurdan bi fîstanên xwe reng dan Festîvala Zîlanê. Me jî bala wan kişand ser Jinwarê (agahî: http://jineoloji.org/jinwar/) û seva wî gundê jinan ê (ku) li Rojava nû tê avakirin alîkarî kom kir û şand. Divê her kes çend ewroyan bişîne vir:

Kurdistan Hilfe
IBAN: DE40200505501049222704
BIC: HASPDEHHXXX
Gotin: Jinwar
Wekî din me bi beşdaran ra givgivok (lîstok) çê dikir, lîstikeke alfabeya kurdî dilîst an jî Govenda Gerîla digerand, dema wan jî dil bikiriban.

Tuesday, 2 May 2017

Şahîya Anarşîst a Parkê

Gerîla Şahîya Anarşîst belavok
Di 29’ê Avrêla 2017'an de em tev li Şahîya Anarşîst a Parkê bûn. Seva bangkirinê em ji hevalên xwe yên anarşîst ra (Black Pigeon) pir spas dikin. Mala wan ava be!









 Me pîqolên Gerîla firot û li ser bîr û ramanên Gerîla şor kir. Wekî din me govenda Gerîla rava zaran kir. Kesên bizaniban govenda Gerîla baş bigerandiban, me pîqolekî Gerîla xelatê wan dikir.








Her wiha me bi hunermend Firaz Rojava û govenda kurdî reng dan şahîyê.


Tuesday, 21 March 2017

Newroz pîroz be!

Em Newroza gel û gerîlayên mirî û zindî yên Kurdistanê ji dil û can pîroz dikin. 
Ji Newroza 2017'an em van hêvî û xwestekan dike: Ya Star, bira Newroz jiyana me bi azadî, evîn û xwezayê bextewar bike!

Gerîla zeloq Newroz 2017
Me Newroz li Frankfurtê pîroz kir. Her wiha me zeloqên (zeliqokên) Gerîla li ciwanan belav kir. Yek di vê dîmena çep de jî dixuye.




Monday, 17 October 2016

EM LI TE DIGERIN!

Gerîla daxuyanîya kar
Em dixwazin bi nîşana Gerîla bîr û ramanên Gerîlayan, bi taybetî jî yên Kurdistanê, bijîn û bidin jîyîn. Û bi rengên wan ên xwezayî civaka xwe bixemilînin. Loma divê em cil û bergên kurdî vejînin!

Ji bona vê yekê em li
MODENASAN, TERZÎYAN, WÊNEKÊŞAN û NÎGARKARAN (n*m)
digerin.




Belê, divê kêm-zêde hunereke jorîn ji destê te were! Divê tu ciwan bî an jî xwe ciwan hîs bikî. Li NRW‘ê (Germanistan) bijî. Bi dilî di koma me de kar bikî. Û ji cil û bergên kurdî hez bikî.

Gava tu tev li me bibî, tu‘ê bîr û ramaneke nû ya jiyanê nas bikî. Tu’ê hevalên rast û hêja bibînî. Tu’ê zimanê me yê zikmakî, kurdîya şîrîn, hîn bibî û pêş bixî. Û tu’ê ji bo civakê kar û barekî pir giran bikî.

Em evîndarên Gerîla ne. Dema tu jî evîndarê*a Gerîla yî, hema ji me ra peyama xwe bişîne vir: gerila@riseup.net

Sunday, 4 September 2016

Festîvala Çandê

Gerîla: 24. FESTÎVALA ÇANDA KURD A NAVNETEWÎ
Do, 3'ê Rezberê (Îlonê), em tev li "24. FESTÎVALA ÇANDA KURD A NAVNETEWÎ" bûn. Gelê me bi hezaran ji cî û warên dûr ên Ewropayê hatibûn bajarê Kolnê.
Gerîla: Standa evîndarên Gerîla û Anarşîstan
Li ser banga me, dostên me yên anarşîst jî beşdarê festîvalê bûn. Me him standa xwe, him jî av û nanê xwe bi wan re parve kir.

Me pîqolên (t-shirtên) Gerîla 25 % erzantir firot. Heta hinekan pîqolekî Gerîla 50 % erzantir jî stand. Ji ber ku ew evîndarê Gerîla ne! Divê were zanîn, ku em vê yekê siv ji bona kesên ku tev li çalakîyên kurdan dibin, dikin.
Gerîla ji azadiyê hez dike.
Wekî din me belavoka "Gerîla ji azadiyê hez dike." di nav gel de belav kir.
Gerîla: Deqên dayîkeke êzîdî
Festîvala Çandê bi dest û keda gelek heval û hogiran pêk hat. Em ji wan giştan re pir spasdar in. Loma me pîqolekî Gerîla xelatê NAV-DEM'ê kir.
Her wiha me seva Gerîlayên Kurdistanê alîkarîyekê ji sermîyanê veqetand û şand ser banka Hîva Sor.

Tuesday, 2 August 2016

Şevbêrka Dengbêjan

Gerîla Şevbêrka Dengbêjan vexwendina cîranan
Roja Înê, di 27'ê Gulana 2016'an de, ji 5'ê êvarê wêda, me mîna berê, li malê şevbêrkeke dengbêjî çê kir. Me cîranên xwe jî agahdar kir û vexwend.

Mêvanên me mûzîkvan Înan, dengbêj û helbestvan Ebdurehîmê Mûşê, stranbêj Alan Mîrhat, bilûrvan Dîyar, defvan Dîjan û daholvan Memo bûn. Jixwe dost û hevalan jî civata me geş kiribûn. Me him go dan dengbêj, stranbêj û amûran, him jî Zerfeta Vartoyê/Gimgimê çê kir.



Şevbêrka Dengbêjan em bir cî û warên Kurdistanê. Niha jî em dixwazin vê çanda pîr û kalan bi we ra parve bikin. Belê, hûn jî vê çandê bijîn û bidin jîyîn!

Sêr û guhdarî xweş!



Monday, 11 July 2016

Alîkarî seva BAKÛR û ROJAVA


Gerîla: Şahîya Gel a DKP'ê
Ji 1'ê heya 3'ê Tirmehê 2016 em, evîndarên Gerîla, beşdarê şahîya çapemenîyê û ya gel a DKP'ê bûn.
Gerîla: Belgeya Heyva Sor a Kurdistanê
Di şahîyê de me alîkarîyeke mezin ji bona BAKÛR û ROJAVA kom kir. Alîkarîya me bi tevahî 679,60 € bû.
Gerîla: Meşa li dijî polîtîkayên krîmînalîzekirinê yên Germanistanê
9'ê Tirmehê de em tev li meş û ragîhandina li dijî polîtîkayên krîmînalîzekirinê yên Germanistanê bûn (girêdank). Li wir me alîkarî gîhand Hîva Sor.